Upplýsingar úr gagnagrunnum Tryggingastofnunar (TR) eru nú aðgengilegar á gagnvirku formi (PowerBI).

Tölfræði almannatrygginga getur meðal annars nýst:

• almenningi,

• stjórnvöldum,

• rannsakendum,

• hagsmunaaðilum,

• fjölmiðlum.

Tölfræði TR er ætlað að gefa mynd af upphæðum greiðslna og fjölda viðskiptavina í helstu flokkum lífeyrisgreiðslna, svo sem ellilífeyris- örorku- og endurhæfingarlífeyris. Í flestum tilfellum er hægt að sundurgreina gögnin eftir tímabilum, aldri, búsetu og kyni.

Upplýsingarnar koma beint úr gagnagrunni TR og uppfærast mánaðarlega og því geta tölur breyst á milli mánaða, svo sem vegna afturvirkra greiðslna. Mikilvægt er að hafa það í huga þegar samanburður er gerður.

Um er að ræða eftirfarandi fimm efnisflokka:

• tryggingavísar

• fjöldi greiðsluþega

• fjöldi og hlutfall elli- endurhæfingar- og örorkulífeyrisþega

• fjöldi og hlutfall með læknisfræðilegt mat

• greining á tekjum lífeyrisþega hjá TR